«Bi üs im Dorf im Spital»: So lautet der Refrain des «Spitalsongs», den der Frutiger Christoph Trummer singt. Gemeint ist das Spital Frutigen.

Mit den genauen Daten und Zimmernummern macht der Mundartsänger den «Spitalsong» zu einem Bild seines Lebens. Und auch zu einem treffenden Bild eines Dorfspitals: Jenes Spital, wo er seine Mutter besucht, der nicht mehr viel Zeit bleibt. Wo er auf dem Gang seine ehemalige Schulkollegin trifft. Wo er später seinen Bruder besucht, dann seinen neugeborenen Neffen. Als der Grossvater stirbt, leuchtet hinter dem Spital die verschneite Niesenkette in der Dämmerung. Erleichtert verlässt der Sänger das Spital, als er selber einmal Patient ist, weil die Kontrolle mit «guetem Bscheid» ausfiel. Später sitzt die Grossmutter unter der Sonnenstore in der Cafeteria – in eben jenem Spital in Frutigen.

06.07.2001, dr Aabe verusse isch warm

I muess i ds Zimmer 158, d'Cafeteria isch läär

Ufem Gang triffi d'Judith, gar nid gwüsst dass si hie schaffet

I ha si syt dr Schuelzyt nümm gseh

My Muetter ligt bleich da u nimmt my Hand

Si seit: Viil Zyt blybt jitz nümm meh

U dr Mond schynt dür ds Fänschter

I ds Zimmer uf ds Liintuech

Luegt zue, me merkt ihm nüt aa

06.07.2001 bi üs im Dorf im Spital

05.01.2004, i ha mir Zyt chönne näh

I muess i ds Zimmer 134

I d'Cafeteria chöi mir när

Ufem Gang isch e Muetter, si stillt grad ihres Chlyne

E jungi, i kenne se nid

U my Brüetsch sitzt im Bett u seit: Es isch guet cho

I merke ersch, wie erliechtret i bi

Uf de Schneehäng a Praschte glitzeret d'Sunne

Luegt zue, me merkt're nüt aa

05.01.2004 bi üs im Dorf im Spital

16.07.2008, letscht Nacht isch chli churz gsy

I wott i ds Zimmer 123

D'Müedigkeit isch mir glych

Ufem Gang loufi när plötzlich doch e chli langsam

I büschele d'Blueme no mal

My Brüetsch u sy Frou höckle am Fänschter

Dr Stammhalter hei si im Arm

Usem Tal wäiht es Lüftli dür ds Fänschter i ds Zimmer

E chlyne Mönsch gspürt das z'erschte Mal

16.07.2008 bi üs im Dorf im Spital

22.01.2009, my Cousin chunnt o

Mir müesse i ds Zimmer 164

D'Nachricht isch am Morge cho

Ufem Gang gseh mer niemer

D'Familie steit i dr Tür, sy alli scho da

A Grossvaters Bett brönnt e Cherze

Är heig fridlech chönne ga

D'Niesechötti im Schnee lüüchtet ir Dämmrig

Wie i syr Chindheit vor 80 Jahr

1923-2009, es Läbe lang im Frutigtal

13.06.2011, Routinekontrolle gha

I chume us dr Praxis, i ga d'Stäge uf

Froh dassi guete Bscheid ha

Ufem Gang suechi d'Judith, i möcht frage wie's geit

Si het truurig usgseh ds letschte Mal

Aber i finde se nid, e Pflegerin seit mir

Si schaff' scho es Zytli nümm da

E Neonliechtröhre lüüchtet im Gang

Luegt zue u me merkt're nüt aa

13.06.2011

13.07.2017, i bi cho mitem Bus

Grossmuetter sitzt undrem Sunnestore

Vor dr Cafeteria uss

Mit Blick ufe Rase, wo d'Chind umespringe

Si verzellt mir, u i lose gärn

U i frage viil u stopfe chli d'Löcher

Mit Gschichte vo däm wo mir fählt

Ds Gerihorn luegt zue, scho syt ewig

U mir Churzläbige schnuufe nomal

13.07.2017 bi üs im Dorf im Spital